Ikajuttaugutilet Labradorimi Inuit Nunamik Satusaijet AngiKatigegutingani angnigusulâlimmijut Mai 6, 2014-mi kiggatuttisanik Nunatsiavut katimajitsuanginni.  Ullumi ilauKataujut Nunatsiavut katimajitsuangit nâjilâlittut Âprel 1, 2014-mi, AngjaukKâk Sarah Leo uKajuk.

Angnigijaugiamut ottugajut matulâttut suvaimi ullukut Âprel 2, 2014-mi.

Kiggatuttet, kisimiungituk UKâlattinga ammalu taikkua kiggatujut Nunatsiavut AngajukKaunet katimajinginni (ministered), suliaKapvimelâgunnaitut katimajitsuat nâjituappata.

UKâlatti suliaKapvimegialik angnigijaunninganut nutâk UKâlattisak pigiasippata sivullipâmik katimajitsuat katimallutik angnigusuttuKageppat.  Ammalu, kiggatuttet AngajukKaunet katimajinginni katimaKattaniattut ministeriullutik katimautitsamik AngajukKâp Tullia tilijaulluninut taitsumanitsainak katimanimmi.  AngajukKâp Tullia angnigusuKattajuk kiggatuttisanik tilijaullutik Ministeriulillutik.  Angnigijaumajut angittauKattavut katimajitsuanut tilijaukKâgatik AngajukKâmut.

Kaujigatsanik Kaujimattisiji:
Bert Pomeroy, Aulatsiji Kaujigatsanik
(709) 896-8582

KAUJITITSIUTIK

• kapital 4, Ilanga 4.13, Allasimajuk 4.13.1 Labradorimi Inuit Maligatsasuangani uKajuk ilaunitsangit kiggatuttet pigiasiKattajut ullungani kiggatuttik uKautauninga utigiaKanninganut nâjinninganullu nâjininginni Nunatsiavut katimajitsuangit.
• Ilanga 4, Allasimajuk 28 katimajitsuat PikKujangani uKajuk UKâlattinga ilaugiaKajuk suliaKapvimi angnigusuttuKaninganunut nutâmik UKâlattimik inuit angnigusuttitaukKâtillugit (sivullipâmik katimajitusat angnigijaukKâtillugit).
• kapital 5 , Ilanga 5.6, Allasimajok 5.6.1 ammalu 5.6.2 Labradorimi Inuit Maligatsasuangani uKajuk nâjinitsangit katimajitsuat attuiniKangituk Nunatsiavut AngajukKaunet katimajinginnik.  NEC asianguniangituk kisiani AngajukKâp Tullia tilijaunninganut angnigijausimalluni sivullipâmik katimajitsuat angnigijaukKâtillugit inunnut.