NLIS

AngajukKaunet katimajigit

Sivungagut Ilinnianik amma Pigiutsanik

Prâvinsimi amma Nunatsiavut kavamanga kajusiutjijok $700,000 ikajugiamik kenaujaliutsiaKatangittunik illulinik Inuit nunagijanginni tapvainak âkKigiattaugiaKatillugit illugijangit. kenaujalittânik 2014: Shared Prosperity, Tunganattut Society, Balanced Outlook ikajutsiKattajut $350,000 tugâjumik adjigettumik ikajuttigennimik ukualu Nunatsiavut kavamanga ikajugasuallutik kenaujaliutsiaKattangittunik namminik illulinnik Nunatsiavummi pijagegasuallutik angijunik âkKigiattaugiallinnik. Nittunattuk Kevin O’Brien, Minister kamajuk Newfoundland and Labrador Housing Corporation (NLHC), ilaulauttuk Sarah Leo, AngajukKânga Nunatsiavut, ullumi Nainimi uKausiKagiamik atausiattumik pivallianimmik ikajuttiKallutik NLHC.

“Nakutsavugut ikajuttiKagiamik Nunatsiavut kavamanganik tamatsuminga. MânnaKammik killigiudjaulaummat Inuit Illunik Pigumanninginnik, tamanna ikajuniattuk kamagiamik ilanginnik illuit âkKigiattaugiaKanninginnik Inunnut Inuit nunagijanginni. SuliaKaKatauniakKugut Nunatsiavut kavamanganut pijagegiamik Kanuilingajutsuamangat suliaKausitsamik amma sakKitisigiamik piusiugunnatunik ikajuniattilugu ilagengujunik inotsiaKullugit kitsagatillugu naminik illugijammini.” – Nittunattuk Kevin O’Brien, Minister kamajuk Newfoundland and Labrador Housing Corporation

Illuit Pigumajauninginni kamannik, kenaujaKattitaulluni adjigettumik Nunatsiavut, Prâvinsiup amma Federalliup kavamanginnut, kamagijaulauttuk ilonnaini Labrador Inuit Nunanginni ukiatsâmi 2012. killigiudjilauttuk kinakkut amma ilaget illunik pigumanninginnik Nunatsiavut nunalingitm amma pigumajaujunik piunitsamik illunik Nunatsiavummi, piluattumik Nain amma Hopedale-imi.

“Piujongitut illuit amma illuit amiganningit atuinniKaKattajuk nunagijattinik, piluattumik Nain amma Hopedale. kenaujait taijauningit ullumi ikajuniattut illulinnik atugunnangittunik atuttausongulittunik pigumajaummagitillugit âkKigiatsinik amma âkKigiattautillugit illugijangit. Nunatsiavut kavamanga nakutsajuk ikajuttiKagiamik kavamanganut Newfoundland and Labrador tamatsuminga sakKititsigiamik akunimut piusiugunnatunik kamagiamik illuitamiganninginnik nunagijattini.” – Sarah Leo, AngajukKânga Nunatsiavut

Tamammik kavamaujok Kinijajok situttutitsiutiugunnatunik piunippâmik illugigajattanginnik inutuKait, ilaget amma kinakkut pigumaluattut.

“Tamanna sakKititsijuk taimaita kavamaujok suliaKaKatigetsiatillugik sivumuattisigiamut ikajutiugunnatunik kinakkunik amma ilagengujunik Nunatsiavummi. Uppivunga ikajuttigennikut sakKititsigunnatugut suliaKausiujunik ikajuniattunik ilikKusitigut amma Knauilingajutsaumangâta Inuit nunagijangit.” – Nittunattuk Nick McGrath, Minister kamajuk Labrador amma Aboriginal Affairs

kavamanga Newfoundland and Labrador ikajutsigumajuk ikKanattunik inogusinni suliaKausiujunik, pitsatujunik nunagijaujunik amma Kanuittailinitsanginnik suguset ilaget amma inutuKait.

 

TAPVAINAK KAUJIMAJAUJUT

• Budget 2014: Shared Prosperity, Fair Society, Balanced Outlook ikajutsijuk $350,000 tugâjumik ikajuttigennimut Nunatsiavut kavamanga; ikajugiamik kenaujaliutsiaKatangittunik namminik illulinnik Nunatsiavummi pijagekKulugit pimmagittunik âkKigiatsininnik.
• 2010-imit , Newfoundland and Labrador Housing Corporation sanasimalittut âttanik nutânik illunik Nain amma Hopedale, (sitamanik taimaita) akiKatillugu $1.8 million.
• 2007-imi, Prâvinsiup kavamanga amma Newfoundland and Labrador Housing Corporation tunisilauttok $2 million iluagut taijanut Off-Reserve Aboriginal Housing Trust Nunatsiavut kavamanganut kamagiamik illuit pigumajauninginnik tallimani Inuit nunagijanginni. Ilagiattuk $6 million aviukKataulauttuk Nunatsiavut kavamanganut, taitsumaniulauttuk -Federation of Newfoundland Indians, taitsumani -Labrador Metis Nation; amma Mikawpukek First Nation, iluani Off-Reserve Aboriginal Housing Repair Program.
• NLHC pitaKajuk 57 akikittunik âktasittausonik illuni iluani Labrador Inuit nunagijanginni Nain (35), Hopedale (18) amma Makkovik (4).

Kaujisapviugunnatut:

Bert Pomeroy
Director of Communications
Nunatsiavut Government
(709) 896-8582, (709) 899-0004
[email protected]

John Tompkins
Director of Communications
Department of Advanced Education and Skills
(709) 729-0753, (709) 728-7762
[email protected]

Scott Barfoot
Director of Communications
Department of Transportation and Works
(709) 729-3015, (709) 690-6290
[email protected]

Jenny Bowring
Manager, Communications
Newfoundland and Labrador Housing Corporation
(709) 724-3055
[email protected]