Âprel 8, 2014
Tagvainak SakKititaugialik

Nunatsiavut AngajukKânga Sarah Leo ullumi kitsajunik salutitsijuk ilagenik ilannagenik ilanga Labradorimi inuk ajulimmat, Ted Andersen

 

“Mr. Andersen nunalinni sivukkatattiulauttuk ilautsiaKattadlunilu, atâtaudluni atâtatsiangudluni, ilannângudluni unikkâtiudlunilu akuni jârini ottugaKattalauttuk piusiumititsigiamik inosinginnik Labrador Inuit,” uKajuk AngajukKâk Leo.  “PigiasittisiKatausimajuk kaunsalinik Labradorimi, ilaunginnadluni Labradorimi Inuit katutjiKatigenningani, ammalu kiggatulauttuk ununnisanik 20 jarini kiggatudluni Makkovik Nunalet kaunsalinginni.  Ikajutsiasimajuk piguttisidluni nunagijaminik angijummagimmik, ajulisimammat ikpiniagijautsiajuk ilonnâni Nunatsiavummi ammalu, âhammagik, ilonnâni Labradorimi.

 

Mr. Andersen akuninit jârinit iniKalilauttuk Harbourview Illumi, ikajuttauvik inigijauKattajuk inummaginnut Mary’s Harbour-imi paigijaudluni Charles S. Curtis Paigijaupvimi Ânniasiuvimmi St. Anthonymi.  Kimaijuk maggonik inniminik, maggonik panimminik, tallimanik ingutanik ammalu unuttumaginnik ilaminik ilannâminillu.  83-Kalauttuk.

 

Kaujigatsatigut Kaujisapviusok:

Bert Pomeroy
Aulatsiji Kaujigatsanik
(709) 896-8582
[email protected]