December 2013-mi, Nunatsiavut kavamanga aittutaulauttuk Ukiuttatumi Ikajotimmik Akiliusiamik sakKititsisimanimminut,, SakKijânginnatuk Nunalik: Healthy Homes in Thriving Nunatsiavut Communities. Akiliusiat $350,000-tut, ilangauvuk pingasunit uKautausimajunit.

SakKijânginnatuk Nunalik sakKititaumavuk kamaluagiamut illusanik sakKijânginnaniattunik angigganik Nunatsiavummi.  Tugâgutilet illuliugiamik Inuit   pigumajanginnik, sanajautillugit Inunnut.  Tânna angiggaujuk pitaKatuinnanialungilak ilikKusitigut pigumajaujunik, tamânenginnanialluni asianguvallianinganut silak Nunatsiavut ullumi atulittanga.

SakKijânginnatuk Nunalik pannaivuk atugiamik akiliusiamik kenaujamik ikajugiamut sanallutik ammalu kamagillugit Nunatsiavut sivullimik sakKijânginnaniattut, tujummiuvitsanik angigganik ammalu sakKititsilutik illusanik Taggâni illuit pivalliatauninginnut.

Kaujisattet ilautitsivut Nunatsiavut kavamanganik, Nunatsiavut Ikajuttiget Aulatsijingita katimajinginnik, Nainimi Kaujisattet SuliaKapvinganik, Kaujisattelu pisimajut Memorial Ilinniavitsuanganit.