Nunatsiavut AngajukKânga Sarah Leo uKajuk Kuviasunniminik tilijausimammat Catharyn Andersen nutângulluni pimmagittumik uKautjigiajitsauluni angajukKânganut Memorial Ilinniavitsuangani nunaKakKâsimajunik kamajiulluni.

“katsungaigutiKavunga Ms. Andersen suliaKatsialânninganik pimmagiujunik suliatsaKalluni pitsatunittâgigiamut pitsatunitigut ikajuttigegaluattilugit Nunatsiavut kavamanga ammalu Memorial Ilinniavitsuanga,” uKajuk AngajukKâk Leo.  “Annak takutitsigunnatuk suliaKalluni suliatsamini piggagasuaKattaniniga piulimatsigasualluni paitsilunilu Labradorimi Inuit uKausinginnik ilikKusinillu, ammalu Kaujimavunga annak kajusimatsianianninga nutâmi suliatsamini.”

Ms. Andersen sivungani AulatsijiuKattalauttuk ammalu Inuktitut UKausinik SuliaKadluni aulatsijiudluni Torngâsok IlikKusiligijingita SuliaKapvingani Nainimi, ammalu ikajusimadluni pivalliagiamik aulatsilunilu unuttunik uKausinik, ilikKusinik ammalu siagunitanik sakKititauKattajunik.  Annak suliatsaminik nutâmik pigiasilauttuk Memorialimi wogiulauttumi.

kiggatullugu Nunatsiavut kavamanga ammalu Ikajuttaugutilet Labradorimi Inuit Nunamik Satusaijet AngiKatigegutingani,  pitsiaKujaga Catharyn ilonnainik pigiasinningani nutâmik kâpitallimik suliatsamini,” uKajuk AngajukKâk Leo.  “Kaujimavunga pitsianianninganik atuvalliluni Memorial Ilinniavitsuangani pivalliagiamut pitsatunimmik kamalluni nunaKakKâsimajunik inunnut ilonnâni prâvinsimi.”

Nunatsiavut kavamanga ammalu Memorial Ilinniavitsuanga Kuviasudlutik suliaKaKatigetsiasimalittok unuttuni jârini ammalu ikajuttigedlutik unuttunik sakKititsigiamut, ilautillugu pitsiasimanik aulatsigiamut Inuit Nalunaikkutattâgiamut Inuligijiugiamut ilinniatillugit Happy Valley-Goose Baymi ilinniavingani Inummaget College of North Atlantic.  Ammalu, sakKititsidlutik ikajuttigegiamik akungani kavamaujuk ilinniavitsualu, TukisimautiKatigennikut atitâttausimajuk Januar 2014-mi, sakKititsiniattuk akuninut jârinut ikajuttigellutik Kaujisagiamut suliaKallutik Labradorimi Inuit piusituKanginnik notitsivallianimmilu.

 Kaujigatsanut Apitsutausok:

Bert Pomeroy

Aulatsiji Kaujimatitsigiamut

(709) 896-8582