Nunatsiavut AngajukKânga Sarah Leo ullumi kitsaKatautsiajuk ilagijanginnut Loretta Saunders, uKalluni Labradorimi Inop tuKusimanninga sakKititsininganik pilukâllaginnimik.
“Nunatsiavummiungulluta omattivut ânniaKataujuk Loretta ilagijanginnut kitsanattumagimmi, ajunnatumillu mânnaujuk” uKajuk AngajukKâk Leo. “Asiujivugut inutsiamik annamik pitsiagiasitainnatillugu inosigijammini. Asiujijaummaninga ippiniagutaujuk ilonnâni Nunatsiavut amma ilonnâni nunatsuami. UKauset ânnianimik âkKeniangikaluattilugit , ilagijangittok KaujimaniakKut inutolungitut, amma nalligijaunisi sanitsinojunnut ilinnik ikajuniakKut ulluni Kaijuni.
“Piungitumettilugu tuKusimanninga, Loretta suliaKausiKalauttuk kamagasualluni asiumajunik amma inuattaumajunik nunaKakKâsimajuit annait ilinniavitsuamelluni ilinnianiKalluni,” uKajuk AngajukKâk Leo. “Asiusimatuinnalungituk. Panigijaujuk, ingutagijaulluni, najagijaulluni, ujugigijaulluni, atsagijaulluni amma ilannâgijaulluni. MinguisitsianiakKutok, Kaujimajaulluni Kimainniminik nalligijamminik ikKaumainnaniattunik kinaulaummangât, amma suliagilauttangit inganginnaniattilugit.”
Fevruara Pilukâttailinnimut TakKiujuk, amma pilukattaumannik sakKititsigiallajuk KaujimajautsiagiaKanninginnik pilukattauKattaningit annait amma suguset amma Kanuk inuit pigunnamangâta nukKatitsigasuallutik sunanik sakKiKatalittunik, uKajuk AngajukKâk.
Kaujisapviugunnatuk:
Bert Pomeroy
Aulatsijinga Tusagatsaligijet
(709) 896-8582