Nunatsiavut AngajukKânga Sarah Leo uKajuk pisisimaningit Universal Helicoptersinik Nunatsiavut Group of Companies ikajutsiniattut angijummagimmik ikajullutik angijumik pitsianitsangit Labradorimi Inuit nunalet.
“Una ilanga angijummagik pisinianniusimajuk taimaittunik nunatsuami ilautillugit Inuit,” uKajuk AngajukKâk. “Piunitsamotsijut NGC-kut atuKattaniammata tugâgutimminik pitaKattisigiamut akuninut kenaujaliugutinik ikajuttaugutinik inuKutittini ammalu nunalinni.”
Nutâk kampaniujuk, Universal Helicopters Newfoundland Labradorimilu, maligatsatigut ikajuttigenut âkKitaumajuk NGC-kunut, Tasiujatsoak kenaujakkuvinganut ammalu CAPE kenaujakkuvinganut. Pisinianniusimajuk uKautaulauttuk Montâgimi Happy Valley-Goose Baymi.
“Nakummegumavunga NGC-kunik ammalu nakummelugit ikajusimajut tamatsuminga pitâttisigunnadlutik,” uKajuk AngajukKâk Leo, ilatsigiadluni ajunnamat ilaugunnalaungituk uKautaullagilittilugu Nunatsiavut AngajukKaunet katimajingit katimalaummata Nainimi taitsumanitsainak.
Pitjutigillugit Nunatsiavut Group of Companies
Kaujijautillugu Labradorimi Inuit katillugit Pannaigutingata kenaujakkuvinga, NGC-kut suliatsangit sakKititsigiamut kenaujatsanik kenaujakkuvingani Ikajuttaugutilet Labradorimi Inuit Nunamik Satusaijet AngiKatigegutingani namminiKallutik kenaujaliugutimmik, tamânenginnaniattumik namminik kenaujaliugutimmik. NGC suliatsangit ilautitsivut imappimi ingiggautinik, aullaigatsanik illunik, sanagiamut, Kaningitumik iniuKattajunik aulatsigiamut, sunagalatuinnanik, uKumaittuniutinik, ammalu tingijonik ingiggautinik. NGC sakKititsivuk suliaKautitsanik ammalu ilisimallagijunik suliatsanik Labradorimi asinginnilu.
Pitjutigillugu Tasiujatsoak kenaujakkuvinga
Tasiujatsoak kenaujakkuvinga satusattausimajuk, malillugu kenaujakkuvimmut Nalunaikkutak Âprel 30, 2004-mi ammalu ilingajunik Labradorimi Inuit Nunamik Satusaijet AngiKatigegutingani.
Pitjutigillugu CAPE kenaujakkuvinga
CAPE kenaujakkuvinga $50 miliun dâlait namminigijaujut kenaujaliuttinut piguvalliasonik kenaujanik pigiasittausimajuk ilagenut AngajukKâsuavinik Nittunattuk Paul Martin-imut ammalu 21-nanut Canadami pimmagiujunut kampaninut, immigojut ammalu iluani silatsualimâmi Tungaviujut.
Tusagatsanik Kaujimattisiji:
Bert Pomeroy
Aulatsiji Kaujigatsanik
(709) 896-8582