Nunatsiavut AngajukKânga Sarah Leo uKajuk kitsanimminik Kaujigami tusagatsani ajulisimaninga ilitagijautsiajuk sulijugijautsiadlunilu Inuk inutuKak, Boas Jararuse Makkovimmiuk.

“Mr. Jararuse sulijumik nunalinni piguttisisimajuk sivukkatattiudlunilu,” uKajuk AngajukKâk Leo. “Ilaunginnalauttuk ikajuKattadluni piusiumititsigiamik nunalinni suliaKapvinginni, ilaunginnadluni kiggatudluni Moraviamiut katimmavingani, piggagasuadluni Inuit ilikKusinginnik uKausinginnilu omatitsigasuadluni.”

Inolisimajuk Hebronimi, Mr. Jararuse nolauttuk Makkovimmut 1959-mi. IlauKatauKattalauttuk unuttunut nunalinni ullusiuninginni jârini Kângisimalittuni, ammalu akilittutaugani ilauKattadluni unuttuni sitondini ikajudluni asiminik.

kiggatulauttuk angajukKauKatigenginni Labradorimi Inuit katutjiKatigengani akuninut jârinut 1970-ni ammalu 80-ni kiggatudlunilu AngajukKâmut Tulliudluni.

kiggatullugit Nunatsiavut kavamangani, ammalu ilonnatik Ikajuttaugutilet Labradorimi Nunamik Satusaijet AngiKatigegutingani, salutitsigumavunga kitsajunik ilanginnik Mr. Jararuse ilannânginnilu,” uKajuk AngajukKâk Leo. “Takutsasiangulauttuk nunagijamini ammalu, âhammagik, ilonnâni Nunatsiavummi. IkKaumajauniattuk.”

Mr. Jararuse ajulisimajuk Montâgimi jâriKalidluni 85-nik.

Kaujigatsanik kamaji:
Bert Pomeroy
Aulatsiji Kaujigatsanik
(709) 896-8582