kenaujaligiji, SuliaKattuligiji ammalu Kagitaujaligiji Minister Daniel Pottle ullumi sâmotsijuk âkKisuttaumajunik kenaujanik pivalliagiamut pivalliagasuaningit âkKisuttaumajunik ilingajunik tugâgutinik âkKitaumajut Nunatsiavut kavamanganut 2012-15 Pannaigutingani.

“Uvani jârimi kamaluajut kajusillutik suliagigumajaminik ullumimut sivunitsatinnulu inunnut kenaujaliugutigigumajanginnilu Nunatsiavummiut, utittisigasualuta ilikKusittinik uKausittinillu,” uKajuk Minister.

Ukunangat $66.9 miliun dâlanit kenaujanit 2014-15 jâringani, pigiasiKattajuk Âprl 1, katillugit $21.8 miliun dâlait pigutsatitausimajut namminik kenaujaminit, ilauttilugit amiakkuit Kângiutigalâtuinnajut $2.2 miliun dâlanik jârimi.

katillugit $45 miliun dâlait sanipvataumajut atugatsait suliatsanut ikajuttaugutinullu atâni Jârimi kenaujanut AngiKatigegutimmi (FFA), satusattauKattajut akungani Nunatsiavut kavamanganut ammalu kavamanginnut Canada ammalu Newfoundland Labradoriullu tsmât tallimait jâret Kângimmata, ubvalu asiagut angiKatigegutaullutik katimajinut.  FFA kamatsiaKattavuk kenaujaKattisigiamik Nunatsiavut kavamangani atugatsanik suliatsanut ammalu ikajuttaugutinut Inunnut ammalu asinginnut inunnut iniKajut Inuit nunalinginni, adjigettitaudlutik atuttaugialinnut nunalinni adjigegalannut anginingit Labradorimi.  Tagvani angiKatigegutimmi, Nunatsiavut kavamanga akilegiaKavuk percentinginnik namminik kenaujaminit utittilugit Canadamut.  2014-mit 2015-mut jâringani, katillugit Kinuagijaumajut akiligialet  $555,000-tojut.

Asingit kenaujait ilauttitauvut namminik income tâksinut ammalu Niuviatsanut Tâkset (“GST”, pitâgijauKattajut tâksinik angiKatigegutittigut kavamanganit Canadaup.  Nunatsiavut kavamanga pitâKattavuk 95 per centimik ilonnainik federal income tâksinut tikitiKattajanginnit nunalinnit tallimanit Inuit nunanginnit.  $3 miliun dâlakasât tigulajauKattajut namminik income tâksinit jrimi.  Pijagettaugasuaninginni Kimigguniujut tâksinik 2005-2010. Nunatsiavut kavamanga ilitsigunnaKattajut kenaujanik $1.0 miliun dâlatut sivungani ilijausimajumik.  kenaujait nigiugijaujut tikititaugiangit GST-ekunit 2014-15-mut $2.9 miliun dâlait, asingititut $2.2 miliun dâlaulauttunit aggâni.

Illuit sivullipautijaugumajut Nunatsiavut kavamanganut, uKajuk Minister, katillugit $7.5 million dâlait sanipvataullutik ikajotitsait kamagiamut illusanik ammalu atuttaugatsanik.

“SuliaKagasuavugut pivalliagiamik atuttauliaKititsilutalu akuninut pannaigutimmik kamagiamut illusanik, ammalu kamagillugit ullumi pigumajaujut nunalittini,” angutik uKajuk.  “Nigiuvugut tamammik federal ammalu prvinsiup kavamanga suliaKaKatigiangit kamagiamut amakkuninga pitjutaummagittunik.”

Utittitaugasuanninga Inuit ilikKusingit uKausingillu sivullipautijaugiaKammagittut Nunatsiavut kavamangata Pannaigutingani.  Uvani jârimi kenaujait sanipvataumajut takugatsanut ilingatillugit atugatsanut, pijagettausimagialet 2015-16.  kenaujait sanipvataumammijut unuttunut uKausinik suliatsanut, ilautillugit ilaget Inuktitut katingaKatigenitsangit unnusami, Inuktitut uKâlalluangunikisautet, ammalu atuttauliaKininga Labradorimi Inuktitut UKauset.

Asigiallanga sivullipautijaugumajuk Pannaigutimmi nottitauvallianingit suliaKattet, ilaulluasiangitut aulatsigiamut suliatsanik ikajuttaugutinillu Upper Lake Melvillemi, Nunatsiavummotiaullutik.  kajusitsianiappat tugâgutik $1.8 miliun dâla sanipvatausimajuk atuttaugatsanik suliaKapvimi initsamut ammalu suliaKattt illusanginnut.  Ammaluttauk, kenaujait sanipvataumajut ilisimallagittunik akiliutitsait ikajugiamut pivalliagiamut ammalu suliaKattuliginimmut ilingajut.

Nunatsiavummiut ilinniatitausimagiaKavut ilisimatsialutillu atuttaugatsanik pivitsaujunik Nunatsiavummi, uKajuk Minister Pottle.  Atâni Jârimut kenaujanik AngiKatigegutingani, $3.2 miliun dâlait piulijaumavut ilinniavitsuanut ilinniagiaKattajunut atuttaugatsait ikajuttaugutinullu, ilauttitautillugit Ilinniavitsuami Ilinniajut Ikajuttaugutinginnut ammalu ilinniajut ikajuttaugutingit Inummaget Ilinniavinginni College of North Atlantic.  Nunatsiavut kavamanga kajusiniattuk piusiumititsigasualluni kenaujanik tikititauKattajunik atâni NunaKakKâsimajut Ilisimagialinginnut Ilinniagiamut Pannaigutinut, ilagiattaudlutik $100,000-tit akiliutinut utittitaugatsanut.

Pimmagiuvuk kamatsianitsanga Nunatsiavummiut ammalu Inuit kampaniujut atuinnaunitsangit atuliaKigiamut kenaujaliugutinik pivianattunullu ilingajunik pivallianiujunik Nunatsiavummi.  Ukutigonak kenaujaliugiamut Pivallianiujut SuliaKapvingani, Nunatsiavut kavamangani kajusiniattut pigutsaigiamik $240,000 atugatsanik namminik inunnut ikajuttigenut, namminik kenaujaliugiamut pivitsaujunik, kenaujanik pannaigutinut ammalu atuttaugatsanik namminik kenaujaliuKattajut katimanitsanginnut ullumimut sivunitsatinnulu Nunatsiavummi.

Niuggutuliginimmut SuliaKapvik kenaujaliuKattavut Northern Ranger atjatuKattaninganut ammalu ikajutsiniattut suliaKaKatigillugillu Nunatsiavut Group of Companies Torngat KakKasuanginni IniuKattajumi ammalu Kaujisapvingani.

Nunatsiavut Suliatsangit kenaujaKavut tigusigiamik Kaujisattimik Kimiggugiamut salumajogiamut ammalu pigiasillutik piusiujunik pivallianimmut salumajogiamut pannaigutimmik, ilautitsigunnatut salumajogiamut atuttaugunnatunik, pimmagiujunik pitjutaujunik ilauliaKititsigiamut namminik kenaujaliugutinnik Nunatsiavummi.

SuliaKapvinga Nunaligijet Pivianattunillu sakKititsigasuajut kenaujanik ilingajunik pisigiamut oganniagatsanik, sollu laisinsingit ammalu KatsigâtaugiaKaningit.  Ammaluttauk, SuliaKapvinga kenaujaKattitaunitsanga Kaujisagiamut kavisilinnik Rigolettimiuni.  Avatinik SuliaKapvik kenaujanik Kinugasimajuk kajusinitsangit Lake Melvillemi Avatinik Kaujisagiamut ammalu SakKijânginnaniattunik Nunalinni Atutaugunnatunik ammalu Nainimi Kaujisagiamut SuliaKapvingani.

katillugit $20 miliun dâlait FFA-kunit piulijaumajut atâni SuliaKapvingani Inositsiagittotitsigasuannimut Pivalliataugutinullu suliatsanut ikajuttaugutinullu, ilauttitautillugit, ikillitisimangimagillugit, Isumaliginimmut SungiutijaulukaKattajunillu, Insuarisimagatik Inositsiagittotitsigasuannimut Ikajuttaugutt, Imminiattailititsigiamut ammalu suliagijaugialinnik inosuttunut inummaginullu ilingajunik.

“Uvani jârimi kenaujait ilingavut angijummagimmik piguvalliatitiangit sivunitsatinnut,” uKajuk Minister Pottle.  “Atullugit tugâgutet Pannaigutittini, Nunatsiavut kavamanga piunitsamik ingiggagajattuk sakKititsigiamut suliatsanik ammalu asinginnik kenaujaliugiamut ilingajunik, paitsilutillu piulimallugillu ilikKusivut inogusivullu.”

Kaujigatsanik kamaji:
Bert Pomeroy
Aulatsiji Kaujigatsanik
(709) 896-8582
(709) 933-3777
[email protected]

 

KAUJITITSIUTIK

Nunatsiavut Suliatsangit

• katillugit kenaujait Nunatsiavut Suliatsanginni, ilauttitaujuk AngajukKâp suliaKapvinga, akittugiasimajuk 0.5 per centimik, ubvalu $9,800-tit. Sivunganinit jrinit.
• SuliaKapvik kajusiniattuk atuliaKititsigiamut tugâgutimminik atâni Nunatsiavut kavamangata Pannaigutingani, ilauttitautillugit salumajogiamut atuttaugunnatut, satusaigiamut ilingajunik Mealy KakKasuangita SilakKijapvingani, sivuppialutik maligatsait pivalliataunitsangit ammalu Kaujigatsanik aulatsigiamut allatausimajunik Kaujigatsanillu.

Nunatsiavut Suliatsangit

• Atâni FFA kenaujait, katidlugit  $7.5 miliun dâlanit piulijaumajut illunut, tâkkunangat $2.5 miliun dâla ilijausimajuk 2013-14 jâringanut ilingajut Nunatsiavut kavamangata pannaininginnut illusait pannaigutingani.  katillugit $1 miliun dâlait sanipivataumajuk pijagegutitsanik illuit ulugianattonginnut Kaujisautitsaqk, sakKititsigiamut illusanik tugâgutiKallutik ilutsiliuttaugesimajunik illusanik, ikajugiamut sanajaunitsanik illusaugajattut.
• $2.4 miliun dâlait piulijaumajut Torngat Avittusimajut Illuligijinginnut kajusigiamut suliaKautitsangit suliatsanginnik.

Nunait Pivianattuilu

• Kenaujatsait SuliaKapvingani Nunaligijet Pivianattunillu akikillisimajut nainanik (9) per centimik sivunganinit jârinit.
• AsiangusimajuKapângimagittilugu ullumi suliatsani ubvalu suliagijaujuni, Nunatsiavut kavamanga kajusijuk sakKititsigiamik kenaujanik pisigiamut oganniagutaugajattunut, sollu KatsigâgiaKaningit ammalu laisinsingit.  kenaungit tâkkua piKattaniattut akiliutivininginnik oganniatet ammalu oganniagiamut ilauKattajunit.
• Kaujisainnaniattut initsaugajattuni kititsigiamut avaluKallutik kavisilinnik Rigoletimi.
• kenaujaKattitauKattavut kajusigiamut Lake Melvillemi Nunami Avatinik Kaujisagiamut, Nunatsiavut kavamanga SakKijânginnaniattunik Nunalinni Atuttaugunnatunik ammalu  AullaKattagiamut, Pitsatulivallianimmut suliatsait, ammalu asingit ingiggainatut atuttaugatsait.

IlikKuset, Niuggunet Pinguanellu

• Ilonnâgut kenaujait SuliaKapvingnai IlikKusiligijet, Niuggunimmik Pinguanimmilu akittugiasimajut 20 per centimik jrimi sivunganinit.
• katidlugit $250,000 Kinuagijausimajut kenaujait ilingajut takugatsanik pannaigiamut Illusuak IlikKusinut SuliaKapvinganut.
• Aittosiavinet $75,000 kenaujait ilingajut Torngat Pinguatuligijingita katimajinginnut ikajutsigiamik pivallianiujunik.
• Labradorimi Inuktitut Ilinnianik atuttauliaKilâttit nutâmi jârimi.
• Ilisimajaugialinnik Pivalliagiamut kamajiup suliatsangit suliatsaunginnaliaKittitaulâttuk, nutânik aulaigatsanik kamaKattaluni pannaitaujunik atuttauliaKinitsanginnilu.

Ilinnianik ammalu kenaujaliugiamut Pivallianik

• SuliaKapvinga Ilinnianimmut kenaujaliugiamullu Pivallianik angijuguvallisimalâttuk kenaujangit 2014-15-mut pitsiasimalaugami pitâgiamik kenaujanik Atlantic Canada Opportunities Agencykunit pivalliagutitsanginnik.
• SuliaKapvinga kajusiniattuk atuliaKititsigiamut sivullipautijaugialinnik atâni Nunatsiavut kavamangata Pannaigutingani ilingjaunik ilinnianimmut, illunut suliaKapvinut ammalu pivalliatauningit kenaujaliugiamut pivitsaujuit.

kenaujait, SuliaKattuligijet ammalu Kagitaujanik

• kenaujangit SuliaKapvingani kenaujaligijet, SuliaKattunik ammalu Kagitaujanik akittugialâttuk 2.3 per centimik jâriuniattumik pitsatuniliugiamut âkKisuigiamullu maligatsanik, ammalu pijagettaunitsangit ilumiutangit Nunatsiavut kavamangata pannaigutingani nottisivalliagiamut suliaKattink Nunatsiavummut.