Kenaujaliginimmut, suliaKatiliginimmut amma Kagitaujaliginimmut Ministeriujuk Dan Pottle ullumi sakKititsiKauvuk KaKusingitumik kenaujamik sakKijâtitsijumik Nunatsiavut kavamangata tugautigijanganik tautsegiamut, kenaujaKatsianimmik amma KuviasotiKalutik Labrador Inuit piusinginnik amma oKausinginnik.

kavamauluta, pigialatâjugut KaKusigata pigijata kenaujait atugialinginut inuKattita amm nunagijatinut, oKavuk Ministeriujuk. “kavamavut tugautiKavuk pigiamut adjiugintunik, asikKitaililutik amma piunitsamik, puigulugata kinakkomangata amma KuviasutiKaluta inosigijatinik.

Ilonata pigumavugut piunitsamik  inosimik inoKatitinut. Pigumavugut inuit Nunatsiavummekulugit, nolutik Nunatsiavummut, pigutsalutik ilaminik tamani” Minister oKagiallavuk. “Pisongugiamut, uvagut ilanginnik tautsigiaKavugut Kanuk piKatamangata, amma uvagut sakKititsigiaKavugut pivitsanik kenaujaliusongugiamut. Taimak pinimut, uvagut sakkititsivugut sanginitsamik amma inositsiaginisamik Nunatsiavummik.”

Nalautsigalatumik $77.7 million kenaujatsamik 2015-16 jaringanut, pigiajumik April 1, $54 million ungatanugalak atugatsauniatilugu sakKijaKatatunik amma atutaugialinnik sakKititaumajunnik Canada kavamanganit kenaujatâtaugutikut (FFA). FFA pivitsaKattisivuk kenaujannik aitutautillugit Nunatsiavut Gavamanga  sakKijatitsiniamata pivitsaujunik amma atutaugialinnik Innunut amma assingit inuit inojut  Inuit nunanginni, adjigigalajanginni assinginut nunaliujunnut anginigitigut  amma adjigalangit  Labrador-imi. Angiutiniup ilangat, Nunatsiavut kavamanga akilegiaKavuk ilanganik imminik kenaujaminik Canada-mut. 2015-2016 kenaujaup jaringa, Kanitangani $600,000 utititaugiaKalâkKuk.

Assingit kenaujait ukuanguvut income taxet amma Goods amma Services Tax (GST), KaitauKattatut angiutinikkut Canada kavamanganut. Nunatsiavut kavamanga aitutauKatavuk 95 percent-imik  federal income tax-inik tigusikviujunik nunaKajunni tallimanit Inuit nunagijanginni. Nunatsiavut kavamanga atuinaguisimavut  Kanitangani $2.2 million aitutaugiamut GST-kunit amma KaKugalalugu $5.2 million immigulingajunit income tax-init.

Iluliginnik

Nunatsiavut kavamanga katsungaingavuk kamagiamut iluliginitânimut ilunaini Labrador Inuit nunagijanginni, nalunaitsivuk Minister Pottle.

“Ilonatik Nunatsiavummiut pitaKajutsauvut akiligunatamminik, piujunik ilunnik. Tanna ilangat putunipauKatauvuk Nunatsiavut kavamanganut, amma uvagut piniatugut sivupiagutigilugu akKisuigiamut amma sakKitimmilugit aungagiamagik tugâgutitsamik kamagasualuta ilonainik ilulitanimut, pigasualluta mannaujuk kamagigasualugit kamagijaugialet nunagijatini.”

Katillugit $10.3 million atuinagutisimavut,  Fiscal Financing Angiutinimit, iluliginitânimut, ilautillugu atuinagutisigiamik amma sakKititsigiamik aungagiamagik iluliginitânimut. Ilangauvuk, $2.4 million âjautillugu Torngat Iluligijingata katutjiKatigenginut amma pigialatâluta suliamik tallimani Inuit nunagijanginni. Iluingatillugu $1 million saniganotausimavuk Inositsiaginnimut Iluit pivitsanganik, ilauKatautillugit Katsinikiak , ilangit:

. unutunik nutamik inigijausomik, akKitaumaniatumik Inuit piusituKangit amma inosigijangit nutajatsanik sanautinik  atullutik Nunatsiavut silagiKatatanganik; amma

. nunait kamagijautsiasimatillugit Inuit nunaginni  ikajugasuamut  nunaliujuni atuinagutisigasuamut kamatsiasimallutik pivalliataujuk atutauniamat iluit pigijausoguniamata akuninut jarinut.

PitaKasongunik Kuatsanatusiannik

Inuit nunagijangit pitaKagiaKavut , tungagijausunik amma nammatunik Kuatsanatunnik. PitaKagunasiangimut sakkititsisimalikut akitujumaginnik kiatsagiamut Labrador Inunnginut amma sukailititsimagilutik kenaujaliugiamut  nunagijatinni.

Nunatsiavut Aulatsijilagingit tigusisimalikut kuatsanatuligijimik ikajuniatumik Kaujisalunni mânaujuk amma aungagiamagik Kuatsanatunik atugiaKasungulanitinik, Kaujisanik kuatsanatumik pitaKasongunimik amma ikajunnik atuinagutisigiamik  aungagiamagik kuatsanatumik atuinasamik ilauKatautilugu nutangunitsanik pitaKasongugiamut Kuatsanatunik, ilautilugu sukkuinginitsait kuatsanatut. $50,000 katillugu sanigânotausimavuk tanna sulliak pijagetauKullugu.

Avatilligijikkut sulliaKapvinga $75,000-tut atuniagivut sulliaKaKatiKallutik tallimaujut Inuit Nunaliujunni kavamanginnik  Sustainable Nunaliujuit Otugataujumi, amma Kaujisammijuit Kuatsanatuliginimut pitaKatsiasongugiamut .

“Tanna otugataujuk ajautsiniakKuk Kanuk piKattamangata mannaujuk, amma Kanok piKattamangata Inuit ottosingititut silagisungugijatinni,”Minister oKavuk.

 

Pigutsanik kenaujaliunikut

Pimmagiuvuk Labrador Inuit iliniasimatsiasimalutik  amma Kaujisasimatsialutik pivitsaKagasuamut kenaujaliugutet pivitsait sakKipata, oKavuk Ministerik, Kaujititsilunni jariup akKitaumavuk kenaujatsangit katillutik $5.7 million-niuvuk iliniavitsualiajunut sakkijâjunut amma atutaugialinut, ilautilugu Inuit Bachelor Ilinianimmut pivitsaujuk.

Ammagiallak, Ilinniatuliginimmut amma kenaujaliugutinut Pivalliataugutinginullu atulâkKut $240,000 katimautitsanik, nunaliujunni pivitsanik  amma ikajutsimilutik Inuit kenaujaliugutinginnik, ammagiallak $300,000 akKitausimavuk ikajutsisongugiamut  nunaliujunni pivitsanik atâgut Nunaliujunni kenaujaliugutet Pivalliataugutingani kenaujammi.

Nunatsiavut kavamanga pigiallâtavuk sakkititsigasuamut kenaujanik ikajugumalutik ogganianiup mitsânut, iluagut tigulanikut kenaujanik ogganiatinit amma kenaujanit kingupvanianikut. SulliaKapvinga Nunaliginimmut amma Pivianattunginnulu tigusisimavut Kaujisatimik ikajuniatumik sakKititaugajatumik maligatsannik atutausongugiaginnik takkua kenaujait. Mannamunut, KakKugalatuinalugu $1 million kenaujaKavuk pivitsatâgumajunut. Takkua pivitsait sakkiKatamata naittukalatigut, takkua kenaujait akKitauKatavut jari tamat.

Takkua sulliaKapvinga Nungusunut Nunaliginimmut amma Pivianattunginnulu $50,000-mik pitaKavut Kaujimatitsigasualutik amma aulaigasuallutik Nunatsiavummik amma Inuit kenaujaliugutinginnik ujaganiatunut amma utsualuniaKatatunut.

IlikKusiliginimmut amma UKausituKaliginimmut

Tanna jarik nalunaitsivuk sennanik ullusiupvinganik sakKititaulaumanit Nunatsiavut kavamanga. $25,000 atuinaKavuk ikajotitsamik ullusiugutitsamik tikiutauninga.

Nunatsiavut kavamanga katsungaivut Illusuak IlikKusiliginimmut initsanga sakKitillugu, $1.6 million atuinautillugu sanagiamut jarimut 2015-2016. Tamat sanajautuKalippat angitauKatalatut Nunatsiavut Aulatsilagijinginut namatut kenaujait  atuinaulippata.

Utitigasuallugu Inutitut oKausinga sulli angijumagiuvuk Nunatsiavut kavamanganut. Katsimagekiat atuinagutitauvut 2015-2016-imut jarimut, ilangit ilaget Inuktitut unnusait, Inuktitut oKalaluangunikisaut, amma ingikKalatilugu Labrador Inuktitut OKausinga Pivitsak.

$4.7 million katillugit akKitaumavut puttunitsanut iliniavimetunut Nunatsiavummi, takkua kenaujait atutaugiaKatillugit ilikKusiliginimmut atugatsanik amma Inuktonik iliniavinni nunakKiujunni.

Inositsiagittotitsigasuannimut amma Pivalliataugutinullu pitâlakKut $21 million Angiutinimit kenaujatâvimmit sakKijatitsilutik pivitsanik, ilangit, takkuatuinaungitut Issumatsiagittugasuamut amma NukKagunagitunut, akkiKangituit Anniasiutet, amma imminigasuaKatatuit nukKangatigasuallugit amma pivitsait inosutunut amma inutuKanut.

“Tapsuma jariup kenaujatsanga pigutisivuk unnutunik sakKititausimalitunik uvatinnut kavamaujunut jaret Kangisimalitunni,” uKavuk Minister Pottle. “Uvagut ilitasivugut sulli Kaningitumut aigiaKajugut, taimaigaluattilugu katsungaivugut tautsegiamut, paitsiluta nunatinik, inosigijatinnik amma oKausittinnik.