Nunatsiavut kavamanga Kaujisagiallagumajuk Kaujisagiallagiamut Idluatsaiviliattilugit Puttunippâmi Idluatsaivimmi Newfoundland Labradorimilu aukâsimammata Kinugautiujumik Kujanâtsigiamik prâvinsimi SuliaKapvinganik Avatiliginimmut ammalu AsikKitailigiamut Pitsatuninginnik Aulatjaigiamut Imanik suliagijautillugu Muskrat Falls-imi ikumaliugasuajut  PivitsaKagutik pigunnatitsivuk Nalcor Ikumaligijingit pigiasigiamik sanagiasillutik konga simittulugu Churchill kongani ammalu ulittilugu Muskrat Falls konga.

“Muskrat Falls suliagijaulippat kusitsiasajattâtitsilâttuk Tasinganik Melville-mi ammalu attutaummagilâttut inuKutivut, nunavut, ammalu ogait omajuillu tatigiKattajavut,” uKajuk AngajukKâk Sarah Leo.  “ApigilaukKugut Kaujisagajammangâtta ammalu Kaujimattitaugiamik, ilonnâgut, kamagillugit Kanuttogijavut.”

Nunatsiavut kavamangata takunnausinga tatigijaugunnasiangitunik Kaujisasimajut attuiniugajattunik kusitsiasajanut ogani niKitsatattauKattajuni ammalu nigijauKattajut Labradorimi Inunnut  pitsatunittâtaugialet pigumajangit ilitagillugit angiutigillugillu Inuit pivitsangit apitsotaujut, ammalu sulijumik ingiggainaniattumillu kamaKatigennimik kamagillugit ilonnatik piusiugunnatut ikilliumiKullugit attuiniugajattut kommi suliagijaugasuajumi.  Nunatsiavut kavamanga ikpiniajuk pivitsait Inunnut tigumiattaujut sulijoningit ammalu KujanâttautuinnagiaKangitut, ammalu Kinijainnaniattut uKilliumiKullugit attuiniuKattajut suliatsani taimaittunut pivitsaujuni.

“Nunatsiavut kavamanga Kinugasimajuk uKilliumititsigiamut atuttaugajattunik ilauttitautillugit ilonnasiangit tukisinatsiatillugit aulataugasuanninga kok, ikilliumiKullugit ukkusitsajait piungilititsigajattut Tasingani Melville, tâvatuak apitsotigisimajavut ikKagijausimangimagittut,” uKagiallajuk AngajukKâk.  “Nâmmasingilagut piusiugasuajumik Kanuttogijavut Kujanâttautuinnasimammata, ikpiniadluta pivitsaKagunnaiKugut kisiani idluatsaivilialluta.”

Kaujigatsanut Apitsutausok:

Bert Pomeroy

Aulatsiji Tusagatsanik

(709) 896-8582