Nunatsiavut AngajukKânga Sarah Leo uKajuk tataminimminik ammalu piutsangituk ullumi uKautaujumik angiKatigegutingani kavamanga Newfoundland Labradoriullu ammalu Vale âkKisigiagiamut Tasiujatsoami Pivallianimmut AngiKatigegutingani.

“AngiKatigesimajut ilingajunikTasiujatsoak suliatsanginni Kaujimattisingimagidlutik Nunatsiavut kavamangata tilitsigutingit siKuttitautillugit Labradorimi Inuit Nunamik Satusaijet AngiKatigegutingani,” annak uKajuk.  “Tamanna nâmmangituk.”

Atullugu âkKisigiagutik, kavamanga Newfoundland Labradiullu pigunnatitsiniattuk Vale aullatitsigiamut kenaujatsajannik silatinganut prâvinsiup pigunnatitsigiamut kampaninga pivitsaKattisilluni Long Harbour suliaKapvingani aulatsigiamut suliatsanginnik.  Vale pitaKattisiniattuk katillugit $200 miliun dâlatut kenaujanik tautsegutigillugit âkKigiattausimajumi, ammalu aittuilutik $30 miliun dâlatut nunalinni pivalliagiamut sakKititaugatsanik.

Nunatsiavut kavamanga suli ottugajuk tigulagiamut allasimajunik âkKisigiagutiusimajuk pivallianimmut angiKatigegutimmi Mertz 28, 2013-mi, ammalu Kaujimattitaungimagidluta, sakKisimajut $100 miliun dâlait kenaujait Prâvinsimut.

“Tasiujatsoak sanilligijavut, taimaimmat ilonnâgut kâpitalliKavuk Nunamik Satusaijet AngiKatigegutittini ilingajunik kisiani pivallianiujunut,” annak uKajuk.  Kavamanga Newfoundland Labradoriullu kajusimajuk sakKititsigiamik unuttunik ikajuttaugutinik pisimajunik tamângat suliatsamit, taitsumanitsainak, ikKasungimagidlutik pivitsagijattinik.

 

Tusagatsanut Apitsutaugunnatuk:

Bert Pomeroy

Aulatsiji Kaujimattisigiamut

(709) 896-8582